「各位戰士！」紅戰士叫道。「大家睇下我腳下面係啲乜野嚟嘅！」

「…」

「無錯！就係一個兜。但佢並非係一個普通嘅兜，如果心存惡念，放隻手入去就會俾毒蛇所咬。但只要做好事，說好話，存好心，你就可以收成正果！」

「要保護呢個地球，我地就要加緊訓練自己，去面對自己嘅恐懼！知唔知道？」

「知道！」眾戰士回答說。

「知道就即刻放隻手入個兜入面啦！」

「吓…？」

當其他人還在猶疑之際，勇敢三包米俠一馬當先，把手放了進去。

手拿出來，竟然是一粒甜美的提子！

「呢個就係勇敢嘅回報。仲有冇人願意試下？」紅戰士問道。

在旁的節瓜俠，見到有提子吃，當然為食不甘後人。

「三包米俠，我都有提子呀！」這又是甚麼的回報呢？莫非是為食的回報？

「兄弟，唔洗驚呀！一齊嚟啦！」白戰士和黃戰士便一湧而至。

雨點俠覺得有點奇怪：「點解個個都攞到提子嘅？蛇呢？」

三包米俠說：「您地真係以為我咁勇咩？之前紅戰士叫我去買幾條蛇番嚟放喺個兜入面。依家秋風起，有蛇都俾人捉咗去做蛇羹啦！所以我咪用啲錢，叫奴隸獸去買多兩磅提子俾大家食囉！」

「你講呢隻呀？好肉酸呀！」雨點俠說。比起毒蛇，這隻奴隸獸來得更驚嚇恐怖。

節瓜俠說：「啊！三包米俠，你咁都得？等我話俾紅戰士聽…！」

「唔好咁多聲氣啦！整多粒提子好過啦！」

四磅提子，轉眼間便被一眾戰士所殲滅。地球的和平，又再次向前向邁一大步。戰士們，加油呀！